Memlekettik organdardy «bultty tehnologııalarǵa» kóshirý boıynsha mınıstrlikte aıqyndalǵan jospar bar - Sáken Sársenov
ASTANA. 2 jeltoqsan. QazAqparat /Rýslan Ǵabbasov/ - «Bultty tehnologııalar» eleýli ekonomıkalyq jáne tehnologııalyq tabys beredi.
Bul týraly búgin Astanada memlekettik organdardaǵy aqparattandyrýdy «bultty tehnologııalarǵa» kóshirý máselesine arnalǵan konferentsııada QR Baılanys jáne aqparat vıtse-mınıstri Sáken Sársenov málim etti.
«Búginde elimizde jańa joba iske asyrý sharalary bastalǵaly tur. Barsha álem qazirgi kezde ózderiniń júıelerin «bultty tehnologııalarǵa» aýystyryp jatyr. Menińshe, biz 2011 jyly bul máselelerdi tıisti deńgeıde talqylap otyrmyz. Osy oraıda Qazaqstannyń ınnovatsııadaǵy qarqyndy baǵytyn eskere otyryp, bul turǵyda aldyńǵy qatarly elderden qalys qalmaımyz dep oılaımyn»,-dedi vıtse-mınıstr.
Onyń sózine qaraǵanda, memlekettik organdar «bultty tehnologııalarǵa» kóshý ıdeıasyn alǵashqy bolyp qoldaǵandardyń biri bolyp tabylady. «Bul óte mańyzdy. Sáýirde Úkimet basshysynyń deńgeıinde biz osy máseleni kótergen bolatynbyz. Premer-Mınıstr bul bastamany qoldady. Osy oraıdaǵy máselelerdi zerdeleýdi tapsyrdy»,-dedi S. Sársenov.
Vıtse-mınıstr memlekettik organdar júıesin kezeń-kezeńmen jańa jobaǵa kóshirý boıynsha mınıstrlikte naqty ári aıqyndalǵan jospar bar ekenin atap ótti. Sonymen qatar ol bul baǵytty iri ulttyq kompanııalar men jeke bıznes sektory da qoldaıtynyna senim artty. S. Sársenbaevtyń paıymdaýynsha, bul jańa tehnologııa óz kezeginde eleýli ekonomıkalyq jáne tehnologııalyq tabys bermek.
