Memlekettik organdardaǵy orys tili dál qazaq tilindegideı deńgeıde qoldanylatyn bolsa, onyń hali óte múshkil bolatyn edi - J. Qurmanǵalıeva
TANA. 9 tamyz. QazAqparat /Qanat Mámetqazyuly/ - Qazaqstannyń memlekettik organdaryndaǵy orys tili dál qazaq tilindegideı deńgeıde qoldanylatyn bolsa, onyń hali óte múshkil bolatyn edi.
Bul týraly búgin Mádenıet mınıstrliginde ótken jıyn barysynda jaýapty hatshy Janna Qurmanǵalıeva osylaı málim etti.
«Konstıtýtsııa normalaryna sáıkes, memlekettik organdarda, jergilikti basqarý organdarynda memelkettik tilmen teń dárejede orys tili qoldanylady. ıAǵnı, teń deńgeıde, teńdeı aýqymda degen sóz. Bul rette «teń dárejede» degen másele tek qana memlekettik organdarǵa qatysty ekendigin eske salǵym keledi. Biz memlekettik qyzmetker retinde azamattar tarapynan suraý salynǵan tilde jaýap berýge tıispiz. Al jeke uıymdar bul máseleni ózderi sheshedi», - dedi jaýapty hatshy. Degenmen, jaýapty hatshynyń aıtýynsha, búgingi kúni memlekettik organdarda qalyptasqan ahýal múldem kerisinshe.
«Qazaqstannyń memlekettik organdaryndaǵy orys tiliniń taǵdyryna keletin bolsaq, eger orys tili dál qazaq tilindegi deńgeıde qoldanylatyn bolsa, onyń hali óte múshkil bolatyn edi. Búgingi kúni memlekettik organdarda orys tilin qoldaný deńgeıi qazaq tilin qoldanýǵa qaraǵanda áldeqaıda joǵary. Monıtorıngke súıensek, memlekettik organdarda orys tiliniń qoldanylýy 80-90 paıyz bolsa, memlekettik tildiń qoldaný aıasy 10-20 paıyzdy ǵana quraıdy. Eger Konstıtýtsııada kórsetilgendeı, orys tili teń dárejede qoldanylsa, onyń jaǵdaıy shynymen qıyn bolar edi», - deıdi J. Qurmanǵalıeva.
