Memlekettik organdarda jyl saıyn 30 paıyzǵa jýyq qyzmetkerler aýysady - A. Mýsın
ASTANA. Naýryzdyń 12-si. QazAqparat /Rýslan Ǵabbasov/ - Jalpy memlekettik organdarda jyl saıyn 30 paıyzǵa jýyq qyzmetkerler aýysady.
Bul týraly búgin Aqordada ótken keńeste QR Prezıdenti Ákimshiliginiń jetekshisi Aslan Mýsın málim etti, dep habarlaıdy QazAqparat.
«Búginde memlekettik qyzmetkerdiń jalaqysy jetkilikti deńgeıde joǵary. Elimiz boıynsha ortasha alǵanda bir orynǵa konkýrs 5 adamnan asady. Memlekettik qyzmet mártebeli bolyp otyr»,-dep aıta kele Aslan Mýsın kadrlardy irikteý jáne ornalastyrý sharalary kásibı turǵyda emes ekenin synǵa aldy.
«Aýyl sharýashylyǵy mınıstrliginde qyzmetkerlerdiń tek úshten bir bóligi ǵana aýyl sharýashylyǵyna qatysty bilimi bar. Sonymen qatar Bilim jáne ǵylym mınıstrligindegi árbir ekinshi adamnyń sáıkes bilimi bar»,-dedi Ákimshilik basshysy.
«Ótken jyly memlekettik organdardaǵy árbir ekinshi komıtet tóraǵasy aýysty. Jalpy memlekettik organdarda jyl saıyn 30 paıyzǵa jýyq qyzmetkerler aýysady»,-dedi A. Mýsın.
