Memlekettik organdarda suranysqa ıe kólik markalary
NUR-SULTAN. QazAqparat - «QazAvtoÓnerkásip» memorgandar men ulttyq kompanııalar tarapynan qyzmettik kólik satyp alý esebin jarııalady, dep habarlaıdy QazAqparat.
Atap aıtqanda, 2019 jylǵy birinshi jartyjyldyqta kezeńde memlekettik organdar men ulttyq kompanııalar 17,2 mlrd teńgege 2 294 avtomobıl satyp alǵan. Bul ótken jylǵy kórsetkishten 15,2 paıyzǵa joǵary.
«Ótken jyly memleket qabyldaǵan sharalar kóptegen memorgandar men ulttyq kompanııalardaǵy satyp alýlar saıasatyn qaıta qarastyrýǵa yqpal etti. 2019 jylǵy alty aıdyń qorytyndysy boıynsha alynatyn qyzmettik tehnıkanyń barlyǵyna jýyǵy (99 paıyzy) Qazaqstanda qurastyrylǵan avtomobılderge tıesili boldy», - delingen taratylǵan málimette.
Memlekettik mekemeler arasynda LADA brendiniń jeńil kólikteri suranysqa ıe boldy. Ótken kezeńde osy markadaǵy 813 tehnıka satyp alyndy. TOR-5 quramyna UAZ (534 kólik satyp alyndy), Skoda (299 kólik), KIA (236) jáne Hyundai (184) endi.
