Memlekettik organdarda áreket etý men sheshim qabyldaýda erkindik bolýy tıis
«Strategııalyq jáne bıýdjettik josparlaý júıesine zertteý júrgizgen edik. AQSh, Ulybrıtanııa, Germanııa, Reseı, Japonııa, Qytaı jáne Sıngapýr elderin saralap shyqtyq. Bıýdjettik jáne strategııalyq josparlaýda Sıngapýr óte alǵa ilgerilep ketken. Olarda da 10 jylǵa arnalǵan strategııalyq jospar bar. Bizde de 10 jylǵa strategııalyq jospar ázirlengenimen ol 5 jyldan keıin-aq jańartylyp jatady. Al olar aldyn ala árbir mınıstrlikke qatysty bıýdjettik shekti aıqyndap qoıady. Mınıstrlik óziniń 5 jylǵa arnalǵan josparyn biledi jáne soǵan oraı salalyq baǵdarlamalar men sheshimder qabyldaıdy. Salalyq baǵdarlamalar memlekettik organdarmen emes sol salanyń sarapshylarymen kelisiledi. Bul túrtip qoıa salý úshin jasalmaıdy. Olar salada óte kóp nıýans bolatyndyǵyn túsinedi. Barlyq máselelerdi jınap, óńdegennen keıin saıtqa ornalastyrady. Bireýlerdiń birdeńeni jasyryp qalýy degen joq. Olar satyp alýdyń bir bóligin elektrondy resýrs arqyly júzege asyrady jáne kez kelgen jetkizip berýshini tańdaı alady», - dedi ol.
Osy rette Oljas Qudaıbergenov memlekettik organdarda áreket etý men sheshim qabyldaýda erkindik bolýy tıistigin basa aıtty.
«Bizde ókinishke qaraı, barlyǵy birin-birin ańdyp otyrady. Árkim óz jumysyn oryndaýy tıis. Al túptep kelgende memlekettik organdarda áreket etý men sheshim qabyldaýda erkindik bolýy kerek. Sodan keıin baryp nátıjesine esep bergeni jón. Al bizde nátıjege emes, formaldy protsedýralardyń saqtalýyna esep beredi. Aıtalyq, tekserýshi organ ádildiktiń úlgisi bolýy tıis», - dedi sarapshy.
