Memlekettik organdar jańadan azamattyq alǵandardyń elimizde tezirek beıimdelýin qamtamasyz etý máselelerin shuǵyl jáne jaýapkershilikpen sheshýleri qajet - Q. Saýdabaev
aýryzdyń 12-ci. QazAqparat /Qanat Mámetqazyuly/ - Memlekettik organdar jańadan azamattyq alǵandardyń elimizde tezirek beıimdelýin qamtamasyz etý máselelerin shuǵyl jáne jaýapkershilikpen sheshýleri qajet.
Búgin Aqordada ótken QR Prezıdenti janyndaǵy Azamattyq máseleler jónindegi komıssııanyń kezekti otyrysynda QR Memlekettik hatshysy-Syrtqy ister mınıstri Qanat Saýdabaev osylaı málim etti, dep habarlaıdy QazAqparat.
«Sanaqtyń sońǵy nátıjeleri Qazaqstanda Keńes odaǵy ydyrap, táýelsizdik alǵannan keıingi halyqtyń aıtarlyqtyı jyldam ósimge boı alǵandyǵyn kórsetip otyr. Búgingi táýelsizdiktiń 20 jyldyǵy qarsańynda Qazaqstanda 16,5 mln.-nan astam adam turady. Álem elderimen moıyndalǵan Qazaqstan EQYU-nyń qazirgi tóraǵasy qyzmetine belsendi kirisip otyr. Elimiz óziniń bedeldi uıymǵa tóraǵalyǵynyń alǵashqy eki aıyn joǵary deńgeıde ótkizdi, halyqaralyq qaýymdastyq ta tóraǵalyqty jyly qabyldady», dedi Q. Saýdabaev.
Sonymen birge, Memlekettik hatshy-Syrtqy ister mınıstri Q. Saýdabaev Naýryz meıramy qarsańynda azamattyq alǵaly turǵan jańa qazaqstandyqtardy quttyqtaıtyndyǵyn aıtyp, olarǵa jańadan tapqan Otanynda baqyt pen amandyq tiledi. Onyń aıtýynsha, táýelsizdik alǵannan beri bizdiń elimizde Qazaqstan azamattyǵyn shamamen 700 myń adam qabyldaǵan. «Endi Naýryz meıramy qarsańynda bulardyń sany taǵy 17 myńǵa artyp otyr. Jaýapty memlekettik organdardyń mindeti - olardyń elimizde tezirek beıimdelýin qamtamasyz etý máselelerin shuǵyl jáne jaýapkershilikpen sheshý», dedi Q. Saýdabaev.
