Memlekettik organdar Ulttyq baıandamany ázirleý úshin aqparat usynady
Osyǵan sáıkes, Ulttyq baıandama Qazaqstan Respýblıkasynyń aýmaǵyndaǵy naqty ekologııalyq jaǵdaılar, óńirlerdegi ekologııalyq hal-ahýaldar men ony jaqsartý boıynsha qoldanylatyn sharalar týraly halyqty jyl saıyn aqparattandyrady. Al, memlekettik organdar jyl saıyn esepti kezeńnen keıingi jyldyń 1 naýryzyna deıin Ulttyq baıandamany ázirleý úshin aqparat usynatyn bolady.
***
Qazaqstan Respýblıkasy Úkimetiniń qaýlysy №673
2016 jylǵy 7 qarasha Astana, Úkimet Úıi
Qorshaǵan ortanyń jaı-kúıi týraly jáne Qazaqstan Respýblıkasynyń
tabıǵı resýrstaryn paıdalaný týraly ulttyq baıandamany ázirleý
qaǵıdalaryn bekitý týraly
2007 jylǵy 9 qańtardaǵy Qazaqstan Respýblıkasynyń Ekologııalyq kodeksi 16-babynyń 7) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qorshaǵan ortanyń jaı-kúıi týraly jáne Qazaqstan Respýblıkasynyń tabıǵı resýrstaryn paıdalaný týraly ulttyq baıandamany ázirleý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń
2016 jylǵy 7 qarashadaǵy №673 qaýlysymen bekitilgen
Qorshaǵan ortanyń jaı-kúıi týraly jáne Qazaqstan Respýblıkasynyń tabıǵı resýrstaryn
paıdalaný týraly ulttyq baıandamany ázirleý qaǵıdalary
1. Jalpy erejeler
1. Osy Qorshaǵan ortanyń jaı-kúıi týraly jáne Qazaqstan Respýblıkasynyń tabıǵı resýrstaryn paıdalaný týraly ulttyq baıandamany ázirleý qaǵıdalary (budan ári - Qaǵıdalar) 2007 jylǵy 9 qańtardaǵy Qazaqstan Respýblıkasy Ekologııalyq kodeksiniń (budan ári - Ekologııalyq kodeks) 16-babynyń 7) tarmaqshasyna sáıkes ázirlendi jáne Qorshaǵan ortanyń jaı-kúıi týraly jáne Qazaqstan Respýblıkasynyń tabıǵı resýrstaryn paıdalaný týraly ulttyq baıandamany (budan ári - Ulttyq baıandama) ázirleý tártibin aıqyndaıdy.
2. Ulttyq baıandama Qazaqstan Respýblıkasynyń aýmaǵyndaǵy naqty ekologııalyq jaǵdaılar jáne ony jaqsartý boıynsha qoldanylatyn sharalar týraly halyqty jyl saıyn aqparattandyrý maqsatynda ázirlenedi.
3. Ulttyq baıandamany ázirleýdi qorshaǵan ortany qorǵaý salasyndaǵy ýákiletti organ (budan ári - ýákiletti organ) uıymdastyrady.
4. Ulttyq baıandama Memlekettik ekologııalyq aqparat qorynyń quramyna kiredi.
2. Ulttyq baıandamany ázirleý tártibi
5. Ulttyq baıandama qorshaǵan ortanyń jáne tabıǵı resýrstardyń sandyq jáne sapalyq sıpattamalaryn, antropogendik eserlerdi, memlekettik saıasatty, statıstıkalyq, saraptamalyq, ǵylymı jáne ózge de aqparatty taldaýǵa negizdeledi, ekologııalyq salalar men aralas salalardyń damý deńgeılerin kórsetedi, ekologııalyq problemalar men olardy sheshýdiń múmkin joldaryn aıqyndaıdy.
6. Ýákiletti organ jyl saıyn esepti kezeńnen keıingi jyldyń qańtar aıynda ortalyq memlekettik organdarǵa jáne jergilikti atqarýshy organdarǵa (budan ári - memlekettik organdar) Ulttyq baıandamany ázirleý úshin aqparat usyný týraly suratýlar jiberedi.
7. Memlekettik organdar jyl saıyn esepti kezeńnen keıingi jyldyń 1 naýryzyna deıin Ulttyq baıandamany ázirleý úshin aqparat usynady.
8. Ýákiletti organ memlekettik organdar usynǵan aqparatty jınaqtaýdy, qorytýdy, taldaýdy jáne mynadaı:
1) qorshaǵan ortanyń jáne tabıǵı resýrstardyń sandyq jáne sapalyq sıpattamalary týraly;
2) negizgi qoǵamdyq mańyzdy ekologııalyq problemalardy qosa alǵanda, qorshaǵan ortaǵa tıgizetin antropogendik áserler týraly;
3) óńirlerdegi ekologııalyq hal-ahýal týraly;
4) qorshaǵan ortany qorǵaý jáne tabıǵı resýrstardy paıdalaný salasyndaǵy memlekettik saıasatty iske asyrý boıynsha málimetterdi qamtıtyn Ulttyq baıandamanyń jobasyn qalyptastyrýdy uıymdastyrady.
9. Ulttyq baıandamanyń jobasyn qalyptastyrǵan soń, ýákiletti organ jyl saıyn esepti kezeńnen keıingi jyldyń 1 qyrkúıegine deıin ony memlekettik organdarǵa kelisý úshin jiberedi.
10. Memlekettik organdar kúntizbelik on bes kún ishinde Ulttyq baıandamanyń jobasymen kelisedi nemese usynystar men eskertýlerdi usynady.
11. Ýákiletti organ esepti kezeńnen keıingi jyldyń 1 qazanyna deıingi merzimde Ulttyq baıandama jobasyn memlekettik organdarǵa qaıta kelisý úshin jiberedi.
12. Memlekettik organdar Ulttyq baıandamanyń pysyqtalǵan jobasyn qaıta kelisý úshin alǵan kúninen bastap bes jumys kúni ishinde ony kelisedi.
13. Ulttyq baıandamanyń jobasy memlekettik organdarmen kelisilgen soń, esepti kezeńnen keıingi jyldyń 25 qazanynan keshiktirmeı saraptamalyq baǵalaý úshin ýákiletti organnyń janynan qurylǵan saraptamalyq toptyń (budan ári - saraptamalyq top) qaraýyna shyǵarylady, memlekettik organdar, ǵylymı uıymdar men jurtshylyq ókilderi onyń músheleri bola alady.
14. Ulttyq baıandamanyń jobasyn saraptamalyq toptyń qaraý nátıjesi boıynsha Ulttyq baıandamany jarııalaý týraly usynymdarmen erkin nysanda qorytyndy resimdeledi.
15. Ulttyq baıandamanyń jobasyna saraptamalyq toptyń qorytyndysy ol saraptamalyq toptyń qaraýyna kelip túsken sátten bastap on jumys kúni ishinde memlekettik jáne orys tilderinde usynylady.
16. Ulttyq baıandama jobasy boıynsha saraptamalyq toptyń qorytyndysynda eskertýler men usynystar bolǵan jaǵdaıda, ýákiletti organ jáne memlekettik organdar on bes jumys kúni ishinde Ulttyq baıandamanyń jobasy boıynsha saraptamalyq toptyń eskertýlerin joıady jáne usynystaryn qarastyrady.
17. Saraptamalyq toptyń qorytyndysy jáne Ulttyq baıandamanyń sońǵy nusqasy ýákiletti organnyń ınternet-resýrsynda memlekettik jáne orys tilderinde jyl saıyn esepti kezeńnen keıingi jyldyń 10 jeltoqsanyna deıin jarııalanady.
