Memlekettik organdar satyp alý baǵasyn 45 mln teńgege negizsiz kótergen
ASTANA. QazAqparat - Memlekettik organdar satyp alý baǵasyn 45 mln teńgege kótergen. Bul «Memlekettik satyp alýdyń qoǵamdyq monıtorıngisi» jobasy barysynda anyqtaldy, dep habarlaıdy QazAqparat.
«Memlekettik satyp alýdyń qoǵamdyq monıtorıngisi» jobasyn iske qosqannan bastap bir apta ishinde Memlekettik qyzmet isteri jáne sybaılas jemqorlyqqa qarsy is-qımyl agenttik qyzmetkerleri úkimettik emes uıymdardyń ókilderimen birlesip memlekettik organdardyń satyp alý baǵasyn negizsiz shamamen 45 mln teńgege kóterý faktisin anyqtady. Osy jyldyń mamyrynda Balqash ortalyq aýdandyq aýrýhanasyna keńse qaǵazyn 29 730 000 teńge somasynda satyp alý tártibi keıinge qaldyryldy. Somasy qaıta qaralǵan satyp alý 2 378 000 teńgeni qurady. Sondaı-aq Kúrshim ortalyq aýrýhanasyna benzın satyp alý úshin 4 480 000 teńge belgilegen, qaıta qaraǵannan keıin ol 3 625 000 teńgege tústi. Osylaısha, 28 mıllıon teńgeden asatyn qarajat únemdeldi», - delingen Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmeti taratqan habarlamada.
Bul jumystar aldaǵy ýaqytta turaqty negizde júrgizilmek.
