Memlekettik organdar memleket pen konfessııalar arasyndaǵy úılesimdi qarym-qatynastardy damytý úshin qajetti barlyq sharalary qabyldaýy qajet - B.Maılybaev
ASTANA. 13 maýsym. QazAqparat - Memlekettik organdar memleket pen konfessııalar arasyndaǵy úılesimdi qarym-qatynastardy damytý úshin qajetti barlyq sharalary qabyldaýy qajet.
Bul týraly búgin QR Úkimeti janyndaǵy Dinı birlestiktermen baılanystar jónindegi keńestiń otyrysynda QR Prezıdenti Ákimshiligi basshysynyń orynbasary Baǵlan Maılybaev aıtty.
«Qazirgi tańda bizdiń elimizde memleket pen dinı birlestikter arasynda tıimdi dıalog qalyptasqan. Ol birinshiden, dinı birlestikterdiń ishki isterine aralaspaýǵa negizdelgen. Ekinshiden, zań aldynda barlyq konfessııa ókilderi teń», - dedi ol.
Bul rette B.Maılybaev qazirgi ýaqytta álemdi qoǵamdy turaqsyzdandyrýǵa jıi qoldanylatyn ǵıbadattyq kelispeýshilik oryn alyp otyrǵandyǵyn ári buǵan jol bermeý kerektigin basa aıtty. Sonymen qatar ol din isteri agenttiginiń nazaryn mundaı alaýyzdyqtarǵa jol bermeý kerektigine aýdartty.
«Úshinshiden, konfessııalyq alańdy nyǵaıtý jaýapkershiligi jergilikti atqarýshy organdarǵa júkteledi. Olar dinı birlestiktermen tikeleı jumys isteıdi. Tórtinshiden, din - bul halyqaralyq qarym-qatynastyń ajyramas bóligi jáne toleranttylyqty nyǵaıtýdaǵy bizdiń elimizdiń saıasatyn túsindirýde QR SІM mańyzdy rólge ıe. Memlekettik organdar memleket pen konfessııalar arasyndaǵy úılesimdi qarym-qatynastardy damytý úshin qajetti barlyq sharalary qabyldaýy qajet», - dedi B.Maılybaev.
