Memlekettik organdar quzyretine ózgeris engiziledi - Májilis
ASTANA. 6 qarasha. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine memlekettik organdardyń quzyretin zańnamalyq jáne (nemese) zańǵa táýeldi deńgeıde bekitý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldady.
Atalǵan qujat, QR Konstıtýtsııalyq Keńesiniń 2008 jylǵa 15 qazandaǵy normatıvtik qaýlysyn iske asyrý maqsatynda ázirlengen. Bul rette memlekettik organdardyń quzyreti QR Konstıtýtsııasynda, konstıtýtsııalyq zańdarda, sondaı-aq zańǵa táýeldi aktilerde de belgilený múmkindigi qarastyrylady.
Osyǵan oraı, zań jobasynda qoldanystaǵy zańnamalyq aktilerden memlekettik organdardyń mańyzdy qoǵamdyq qatynastardy rettemeıtin fýnktsııalaryn alyp tastaý usynyldy. Bul ulttyq zańnamany jeńildetýge, memlekettik organdar qyzmetiniń tıimdiligin arttyrý úshin quqyqtyq salany jetildirýge múmkindik beredi.
Májilis maquldaǵan qujat Senattyń qaraýyna joldanady.
