Memlekettik organdar qansha tyryssa da, qoǵamnyń qoldaýynsyz tabysqa jete almaımyz - Toqaev

NUR-SULTAN. QazAqparat - Azamattarda parasattylyq ıdeologııasy qalyptasýy tıis. Bul týraly sybaılas jemqorlyqqa qarsy kúres máseleleri jónindegi keńeste sóz sóılegen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Memlekettik organdar qansha tyryssa da, qoǵamnyń qoldaýynsyz biz tabysqa qol jetkize almaımyz. Azamattarda parasattylyq ıdeologııasy qalyptasýy tıis. Qazirgi ýaqytta bul baǵytta aýqymdy jumys júrgizilip jatyr. Akademııalyq adaldyq lıgasy, sybaılas jemqorlyqqa qarsy baǵyttalǵan volenterlik klýb, adaldyq dúńgershegi jáne óz-ózine qyzmet kórsetý kassasy - mundaı jobalar týraly aqparattardy keńinen jarııalaý qajet. Buǵan qosa, jemqorlyqqa qarsy is-árekettiń barlyq maıdanynda qoǵamdyq baqylaýdy kúsheıtý kerek», - dedi Memleket basshysy.

QR Prezıdenti azamattyq qoǵam memleketke kómek kórsetýge daıyn ekendigin basa aıtty.

«Adal kómek» tuǵyrnamasyn jasaý jetkilikti boldy jáne 11 myńnan astam áleýmettik jaǵynan az qamtylǵan azamat tanymal advokattardan keńesti tegin aldy», - dedi Qasym-Jomart Toqaev.