Memlekettik organdar elimizdegi zańdarǵa quqyqtyq monıtorıng júrgizip otyratyn boldy - Ádilet mınıstrligi
ASTANA. 20 sáýir. QazAqparat /Aıdar Ospanalıev/ - Memlekettik organdar endi elimizdegi zańdarǵa quqyqtyq monıtorıng júrgizip otyrady.
Bul týraly búgin jýrnalıstermen bolǵan brıfıngte Ádilet mınıstrliginiń resmı ókili Erbolat Erimbet aıtti.
Onyń sózine qaraǵanda, mınıstrlik «normatıvtik-quqyqtyq aktilerge monıtorıng» degen túsinik engizdi. Oǵan sáıkes, memlekettik organdar osy monıtorıngti júzege asyrýlary tıis jáne ol úshin tıisti jaýapkershilik te qarastyrylǵan. Osy monıtorıng endi zańdarǵa da júrgiziletin boldy. «Memlekettik organdardyń jaýapty qyzmetkerleri mundaı monıtorıngti júrgizbegen jaǵdaıda ádilet organdarynyń usynysymen tártiptik jaýapqa tartylady. Quqyqtyq monıtorıng uzaq jyldardan beri qalyptasyp qalǵan quqyqtyq normalardyń zańǵa sáıkes kelmeı qalý jaǵdaılaryn retteýge múmkindik beredi», - dedi resmı ókil.
