Memlekettik organdar BAQ ókilderine barynsha ashyq bolýy kerek - Pavlodar oblysynyń ákimi (FOTO)
PAVLODAR. QazAqparat - Aımaq basshysy Bolat Baqaýov oblystyq jáne óńirlik BAQ-yń qyzmetkerlerin kásibı merekesimen quttyqtady.
Oblys ákiminiń men buqaralyq aqparat quraldarynyń ókilderiniń kezdesýi Dostyq úıinde ótti. Tilshiler qaýymyn quttyqtaý sózinde ákim Pavlodar oblysynyń memlekettik qyzmetshileri jýrnalıstermen barynsha ashyq bolyp, qajet aqparatty jedel túrde berýge tyrysatynyn atap ótti.
«Men memlekettik organdardyń basshylaryna buqaralyq aqparat quraldarynyń ókilderimen barynsha ashyq bolyńdar dep aıtamyn, - dedi Bolat Baqaýov. - Biz oblystyq basqarmalar men aýmaqtyq departamentterdiń basshylarynyń oblysymyzdaǵy óńirlik kommýnıkatsııa qyzmetiniń alańynda brıfıng ótkizý tájirıbesin ary qaraı da jalǵastyratyn bolamyz. Qazirgi kezde memlekettik baǵdarlamalar boıynsha qoldaýǵa ıe bolǵan óndiristik kásiporyndar, oblystyń shaǵyn jáne orta bıznes kásiporyndaryna, aýyl sharýashylyǵy salasyndaǵy kásiporyndarǵa Sizderdiń qatysýlaryńyzben baspasóz týrlaryn ótkizýdi qaıta qolǵa aldyq».
Aımaq basshysy buqaralyq aqparat quraldarynyń eń belsendi ókilderin tós beliglermen, Qurmet gramotalaryme jáne alǵys hattarmen marapattady. Sonymen qatar, Bolat Baqaýov jýrnalıstıka salasynyń ardagerlerin de merekemen quttyqtady.
