Memlekettik organ men azamattar arasynda daýlarda vedomstvolar jıi jeńilýde

ASTANA. QazAqparat – Memlekettik organ men azamat jáne zańdy tulǵalar arasynda sot protsesterinde vedomstvolar jıi jeńile bastady. Bul týraly Ortalyq kommýnıkatsııalar qyzmetinde ótken brıfıngide QR Ádilet vıtse-mınıstri Alma Muqanova aıtty, dep habarlaıdy QazAqparat tilshisi.

BAQ ókilderiniń aldynda baıandama jasaǵan vıtse-mınıstr 2021 jyly qoldanysqa engizilgen QR Ákimshilik rásimdik-protsestik kodeksine qatysty jumystardyń qortyndysyna toqtaldy.

«Joǵarǵy Sottyń málimetterine sáıkes, ákimshilik ádilettiń jańa formatynyń birinshi jylynda aıaqtalǵan isterdiń jalpy sanynan talapkerlerdiń talaptary 4 474 is boıynsha tolyq nemese ishinara qanaǵattandyryldy (52%), al 4 085 is nemese 48% qanaǵattandyrýdan bas tartyldy.

Ózderińiz biletindeı, kodeks qoldanysqa engizilgenge deıin memlekettik organdarda azamattarmen jáne zańdy tulǵalarmen daýlarda utylǵan isterdiń mundaı synı kórsetkishteri bolmaǵan. Mysaly, buryn memlekettik organdar azamattyq isterdiń 85%-ǵa jýyǵyn jeńip alǵan», - dedi Alma Muqanova