Memlekettik organ qyzmetkerleri birinshi kezekte respýblıka azamattarynyń máselelerimen aınalyssyn - N.Nazarbaev
ASTANA. Qańtardyń 29-y. QazAqparat /Aıdar Ospanalıev/ - Memlekettik organdaǵy qyzmetkerdiń basty mindeti turǵyn halyqtyń qajettilikteri bolýy kerek. Memlekettik qyzmetker birinshi kezekte solardyń máselelerimen aınalysýlary kerek. Buny búgin «Nur Otan» HDP Saıası keńesi bıýrosynyń keńeıtilgen otyrysynda Memleket basshysy Nursultan Nazarbaev aıtty,
dep habarlaıdy QazAqparat.
«Maǵan turǵyndarmen tikeleı jeli arqyly respýblıka azamattarynan 40 myń saýal tústi. Men qazir olardy saraptap jatyrmyn, biraq tolyq nátıjesin áli shyǵarǵan joqpyn. Osy oraıda turǵyndar osynshama saýaldy Prezıdentke ne úshin joldaıdy degen saýal týyndaıdy», dedi Prezıdent.
Elbasynyń aıtýynsha, respýblıka azamattarynyń Memleket basshysyna muńyn shaǵýynyń basty sebebi- olar aýyldyq ákimnen bastap, barlyq deńgeıdegi sheneýnikterdiń aldynda bolyp shyqqan. Olardan eshqandaı qaıyr bolmaǵan soń turǵyndar Prezıdentke hat jazýǵa májbúr. «Memlekettik qyzmetkerdiń mynany oryndaýǵa bolady, al mynaǵan meniń qulqym joq dep jumysty tańdaýǵa quqy joq. Olar úshin basty mindet - turǵyndardyń problemalary bolýy kerek», dep atap kórsetti Memleket basshysy.
