Memlekettik organ basshylary halyqty onlaın rejimde qabyldaýǵa kóshýleri tıis - QR Prezıdentiniń Ákimshiligi
Bul týraly búgin Astanada QR Ulttyq muraǵatynda elektrondy qujat aınalymy taqyrybynda ótken respýblıkalyq semınarda QR Prezıdenti Ákimshiliginiń jalpy bólim meńgerýshisi Mirbolat Jaqypov málim etti.
«Memlekettik organ basshylary halyqty onlaın rejimi arqyly qabyldaýǵa kóshýleri tıis. Bul qujat aınalymǵa túsetin júktemeni báseńdetýi tıis. Basshylardy atalmysh tehnologııalarǵa daǵdylandyrý kerek», - dep atap ótti M. Jaqypov.
Onyń aıtýynsha, azamattardyń aryz-shaǵymdaryn qarastyrý kezinde IT-tehnologııalardy qoldaný úderisi elektrondy qujat aınalymnyń damýyna jańa serpin beredi.
«Bul - jańa sala. Buryndary halyq óz aryzdaryn qaǵazǵa jazatyn edi. Endi birte-birte olardy elektrondy formatqa baýlyp jatyrmyz», - dedi bólim meńgerýshisi.
Sondaı-aq, M. Jaqypovtyń atap ótkenindeı, qazirgi ýaqytta Prezıdent Ákimshiligi halyqtan túsken aryz-talaptaryn mindetti túrde elektrondy nusqaǵa aýdarýdy jolǵa qoıǵan. Bul basqa da mınıstrlik pen ákimdikter úshin úlgi bolýy tıis.
