Memlekettik onomastıkalyq komıssııa shyǵarǵan sheshimderdiń tolyq jınaǵy jaryq kóredi
ASTANA. 16 qazan. QazAqparat - Aǵymdaǵy jyldyń aıaǵyna deıin táýelsizdik alǵannan bergi elimizdiń Memlekettik onomastıkalyq komıssııasy shyǵarǵan sheshimderdiń tolyq jınaǵy jaryq kóredi.
Bul týraly búgin Májilistiń Áleýmettik-mádenı damý komıtetiniń keńeıtilgen otyrysynda «Memlekettik tildi damytýdaǵy problemalar týraly» máseleni talqylaý barysynda Mádenıet jáne aqparat vıtse-mınıstri Arman Qyryqbaev málim etti.
Vıtse-mınıstrdiń aıtýynsha, termınologııa, onomastıka jáne antroponımıka salasyndaǵy jumysty jaqsartý arqyly qazaq tiliniń leksıkalyq qoryn odan ári jetildirý men júıege keltirý jónindegi sharalardy iske asyrý kózdeledi.
«Osyǵyn oraı, onomastıka salasynda ataý berý jumystarynyń ashyqtyǵyn qamtamsyz etýge baǵyttalǵan zań jobasymen jumys jalǵasýda. Besjyldyq moratorıı kezinde qordalanǵan suraqtardy eskersek, osy zań jobasynyń shyǵýyn elimizdiń barlyq óńiri asyǵa kútip otyrǵany barshamyzǵa túsinikti. Jalpy, jyl sońyna deıin táýelsizdik alǵan jyldardan beri Memlekettik onomastıkalyq komıssııa shyǵarǵan sheshimderdiń tolyq jınaǵy jaryqqa shyǵatyn bolady», - deıdi Arman Qyryqbaev.
