Memlekettik nómirsiz júrgen kólik júrgizýshisinen qarý tárkilendi

NUR-SULTAN. QazAqparat – Qala joldarynda memlekettik tirkeý nómirinsiz júrgen kólik júrgizýshisinen sýyq qarý tabyldy, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

«Toıota Kamrı» kóligi Turan dańǵylynyń boıynda toqtatylǵan. Tekserý barysynda 35 jastaǵy júrgizýshisinen tirkeýden shyǵarylǵan 12 memlekettik nómir belgisi, jınalmaly pyshaq, gaz tapanshasy men 4 oq tárkilendi.

Atalǵan derek boıynsha QR QK 287-baby 2-tarmaǵymen sotqa deıingi tergeý bastaldy. Saraptama taǵaıyndalyp, kólik kommýnaldyq turaqqa qoıyldy.

Sondaı-aq, kólik júrgizýshisiniń astana aýmaǵynda bolǵan qandaı da bir quqyqbuzýshylyqtarǵa qatysy bar-joqtyǵyn anyqtaý baǵytynda keshendi sharalar júrgizilip jatyr.