Memlekettik nagradaǵa usynylatyn úmitkerler anyqtaldy

ASTANA. QazAqparat - Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblıkasy Prezıdentiniń janyndaǵy Memlekettik nagradalar jónindegi komıssııanyń otyrysy ótti, dep habarlaıdy QazAqparat Aqordanyń baspasóz qyzmetine silteme jasap.

Otyrysta memlekettik organdardyń, uıymdar men qoǵamdyq birlestikterdiń memlekettik nagradalarmen marapattaý jónindegi usynystary qaraldy.

Qazaqstan Respýblıkasy Prezıdentiniń janyndaǵy konsýltatıvtik-keńesshi organ sanalatyn komıssııa Qazaqstan Respýblıkasynyń memlekettik nagradalaryn belgileý jáne joıý, nagrada máseleleri jónindegi zańdardyń jobalaryn jáne basqa da normatıvtik quqyqtyq aktilerdi, Qazaqstan Respýblıkasynyń memlekettik nagradalarymen marapattaý týraly usynystardy qarastyrady.

Komıssııa músheleri otyrys qorytyndysy boıynsha marapattaý úshin Memleket basshysyna usynylatyn kandıdattardy anyqtady.

Memlekettik nagradalar dástúr boıynsha Táýelsizdik kúni qarsańynda tapsyrylady.