Memlekettik múlikke qatysty joba maquldandy - Májilis
ASTANA. Qazannyń 27-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Memlekettik múlik týraly» zań jobasyn ekinshi oqylymda maquldady.
Endi qujat Parlament Senatynyń qaraýyna jiberiledi.
Atalǵan zań jobasynyń basty maqsaty memlekettik múlikke memlekettik quqyqty júzege asyrý úderisinde qalyptasqan qatynastardy retteıtin memlekettik múlikti basqarýdyń quqyqtyq negizderin, qaǵıdattary men erejelerin aıqyndaıtyn zańnamalyq bazany jetildirý bolyp tabylady. Bul rette Memleket basshysy óz Joldaýynda osy zamanǵy ekonomıkalyq jaǵdaıda ózgerip otyrǵan memlekettiń rólin memlekettik aktıvterdi tıimdi basqarý problemalaryna jańa turǵydan qaraý qajettigin aıtqan bolatyn. Bulardy zańnama normasyna aınadyrý qajettigin, sonyń ishinde memlekettik aktıvterdi basqarý týraly bólek zańnyń bolýy tıistigin alǵa tartqan edi.
Sonymen birge, qujatty ázirleýde negizgi úsh maqsat kózdelgen. Birinshiden - memlekettik menshiktiń jáne ózge de quqyqtardyń ıesi retinde memlekettik múlikke quqyqtardy tıimdi júzege asyrýdy qamtamasyz etý. Ekinshiden - memlekettik múlikti basqarýdy júzege asyratyn memlekettik organdar quziretiniń arajigin ajyratý jáne memlekettik organdar men olardyń basshylaryn memlekettik múlikti basqarý salasyndaǵy memlekettik saıasatty júrgizýdegi jaýapkershiligin arttyrý. Úshinshiden - ulttyq holdıngter men ulttyq kompanııalar arqyly memlekettik múlikti korporatıvtik basqarýdyń quqyqtyq negizderin, olardyń memlekettik organdarmen naqty qarym- qatynasyn qamtamasyz etýge jaýapkershiligin belgileý.
Ekinshi oqylymǵa ázirleý barysynda depýtattar tarapynan memlekettik múlikti basqarýdy júzege asyratyn memlekettik organdardyń quzyreti, osyndaı kásiporyndar qyzmetiniń aıasy, memlekettiń strategııalyq nysandarǵa ıe bolýynyń quqyqtyq rejimi sekildi máselelerge qatysty usynystar jasalǵan.
