«Memlekettik múlik týraly» zań jobasy birinshi oqylymda talqyǵa salýǵa daıyn
ASTANA. Mamyrdyń 24-i. QazAqparat - «Memlekettik múlik týraly» zań jobasy birinshi oqylymǵa daıyn. Bul jóninde Májilistiń Ekonomıkalyq reforma jáne óńirlik damý komıtetiniń qorytyndysy shyqty,
dep habarlaıdy QazAqparat.
Zań jobasyn qabyldaýdyń maqsaty- memlekettik múlikke memlekettik quqyqty júzege asyrý protsesinde qalyptasatyn qatynastardy retteıtin quqyqtyq negizderdi, prıntsıpter men erejelerdi bekitý jolymen memlekettik múlikti basqarý salasyndaǵy zańnamany, sondaı-aq onyń tıimdi paıdalanýyn baqylaý jónindegi qatynastardy jetildirý bolyp tabylady.
Zań jobasy memlekettik múliktiń quqyqtyq rejımin, memlekettik múlikti basqarýdyń quqyqtyq negizderin, onyń ishinde memlekettik zańdy tulǵalarǵa bekitilgen múlikti jáne memleketke tıesili aktsııalardy jáne jarǵylyq kapıtaldaǵy úlesti, memlekettiń ulttyq holdıngterge, ulttyq kompanııalar men strategııalyq obektilerge yqpalynyń aıasyn aıqyndaıdy.
Zań jobasyn jumys tobynda talqylaý barysynda depýtattardan 500-den astam túzetýler kelip túsken. Komıtet túzgen qorytyndy salystyrma kestege 523 túzetý engizilgen.
