Memlekettik monopolııa 16 qyzmet túrinde ǵana qaldyrylatyn bolady

Bul týraly búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasy boıynsha baıandaǵan Ekonomıkalyq damý jáne saýda mınıstri Baqytjan  Saǵyntaev málim etti.

Mınıstrdiń aıtýynsha, qujat boıynsha memlekettiń kásipkerlik qyzmetke qatysýyn talap etetin aıryqsha jaǵdaılarda ǵana memlekettik monopolııany engizý kózdeledi.

«Zań jobasy memlekettiń ekonomıka salalaryna qatysýynyń aıryqsha sıpatqa ıe bolýyn jáne kásipkerlik belsendilikti shektemeýge tıis ekendigin eskere otyryp, birqatar sharalardy qamtıtyn bolady. Atap aıtqanda, memlekettik monopolııada 16 qyzmet túrin qaldyrý kózdeledi. Olardyń qatarynda memlekettik jer kadastryn júrgizý qyzmeti; memlekettiń orman qorynyń shekkarasyn belgileýge, ormandardy túgendeýge, orman sharýashylyǵyn júrgizýge baılanysty qyzmeti;  gıdromonıtorıng pen qorshaǵan ortanyń jaı-kúıiniń baqylaý jónindegi qyzmet; dárigerlik zattar, medıtsınalyq zattar men medıtsınalyq tehnıkanyń qaýipsizdik sapasyn saraptaý men baǵalaý salasy; zeınetaqymen qamsyzdandyrý salasy, statıstıka  jáne taǵy basqa da salalarda qamtylatyn bolady», - deıdi Baqytjan Saǵyntaev.

Ekonomıka mınıstriniń aıtýynsha, bul rette básekelestik ortaǵa tórt qyzmet túri ótetin bolady. Olar, birinshiden - kommýnaldyq qaldyqtardy kómý, qaldyqtar polıgonyn qurý. Ekinshi - standarttaý boıynsha normatıvtik qujattardyń resmı basylymyn taratý. Úshinshi - negizge alynatyn memlekettik standarttardy ázirleý. Tórtinshi - sáıkestik baǵalaý salasyndaǵy akkredıtteý qyzmeti.