«Memlekettik merekeler tizimi taǵy bir kúnmen tolyǵa ma?» - respýblıkalyq basylymdarǵa sholý

ASTANA. 16 qyrkúıek. QazAqparat - Qazaq aqparat agenttigi respýblıkalyq basylymdarda 16 qyrkúıek, juma kúni shyqqan ózekti materıaldarǵa sholýdy usynady.

***

Keshe Elbasy Nursultan Nazarbaev Astrahan qalasyna baryp, Qazaqstan men Reseıdiń aımaqaralyq VIII yntymaqtastyq forýmyna qatysty. Osyǵan oraı el gazet «Egemen Qazaqstanda» «Jarasymdy kórshiler - senimdi áriptester» degen taqyryppen kólemdi maqala jarııalandy. Basylymnyń atap ótýinshe, Qazaq­stan men Reseıdiń aımaqaralyq yntymaqtastyq forýmyna qaty­sý úshin Astrahan qalasyna kelgen Elbasy Nursultan Nazar­baev­ty Reseı Federatsııasynyń Prezıdenti Dmıtrıı Medvedev ushaq trapynan arnaıy kútip al­dy. Eki­jaq­ty kezdesýde Reseı Prezıdenti D.Medvedev tamyz aıynda ótkizilgen beıresmı sammıt birneshe halyqaralyq máselelerdiń túıinin tarqatýǵa arqaý bol­ǵa­nyna toqtaldy. Ol sonymen qa­tar, Elbasy Nursultan Nazar­baev­tyń Máskeýde ótetin UQShU sammıtine qatysýyn qalaıtynyn jetkizdi.

«Keshe Parlament Senatynyń Tóraǵasy Qaırat Mámı Fran­tsııanyń Qazaqstandaǵy elshisi Jan-Sharl Bertoneni qabyldady», - dep jazady «Egemen Qazaqstan» gazeti. Kezdesý barysynda Qazaqstan men Frantsııanyń ekijaqty qa­ty­nas­taryn, onyń ishinde parla­ment­aralyq deńgeıdegi baıla­nys­tardy odan ári nyǵaıtý má­se­leleri talqy­lan­dy. Eki el arasyndaǵy saıası syn­darly únqatysýdy atap óte kelip, Senat Tóraǵasy prezıdentter N.Na­zarbaev pen N.Sarkozı ar­a­syn­da qalyptasqan senimdi jáne dos­tyq baılanystardy atap ótti. So­nymen qatar, Qazaqstannyń syrt­qy saıası bastamalaryna qol­daý bildirgeni úshin Frantsııa bas­shy­­lyǵyna rızashylyǵyn bildirdi.

***

Elimizde jaǵa ustatarlyq qylmystar jıilep barady. Sonyń ishinde eń ókinishtisi - adamdardyń jeke taǵdyryna qatysty oqıǵalar. Jaqynda Almatydaǵy qonaqúılerdiń birinde qarakóz qaryndastarymyz ben qandastarymyzdy urlap áketip, olardy saýdaǵa salyp, jezókshelikpen aınalysýǵa májbúr etken qylmyskerler óz jazasyn tartty. Oqıǵanyń qalaı órbigenin bilgińiz kelse, «Aıqyn» gazetindegi «Adam saýdasy asqynyp tur» degen taqyryptaǵy maqalaǵa nazar salyńyz.

***

«Alash aınasy» gazetiniń jazýynsha, keshe Parlament Senatynyń plenarlyq otyrysynda senator Ǵanı Qasymov eldi eleń etkizer depýtattyq saýal tastady. Senator 2 qazandy meımlekettik mereke etýdi surap otyr. Eger sizge qazannyń 2-sin mereke qylý kerek dese, sizde mindetti túrde «neniń qurmetine?» degen suraq týatynyna senimdimin. Jalpy, kimde bolsyn osyndaı suraq týatyny ótirik emes. Óıtkeni qazaqtyń tuńǵysh ǵaryshker-ushqyshy Toqtar Áýbákirovtiń ǵaryshqa ushqan kúninen buryn, ıÝrıı Gagarınniń kókke kóterilgen kúnin jaqsy bilemiz. Sol sebepti Ǵanı Qasymov qazaqtyń tuńǵysh ǵaryshkeriniń ǵalam kógin sókken kúnin memlekettik mereke etip qoıýdy usynyp otyr. Maqalany tolyq oqyǵyńyz kelse, basylymdaǵy «Memlekettik merekeler tizimi taǵy bir kúnmen tolyǵa ma?» degen taqyrypqa nazar aýdaryńyz.

«Qyzyl kitapqa engen dúnıelerge qyrǵıdaı tıetin ádetten aryla almaı-aq qoıdyq. «It qoryǵan jerge ósh» demekshi, basqa ań-qus, basqa jándik quryp qalǵandaı Qyzyl kitaptan oryn alǵan, ózi joıylýdyń az-aq aldynda turǵan tirshilik ıesine kegimiz ketkendeı tıisetinimiz nesi eken?» dep jazady «Alash aınasy» gazeti búgingi nómirindegi «Marqakóldikter qurt terip ketti» degen maqalasynda. Sonymen marqakóldikterdiń qandaı qurt terip ketkendigin bilgińiz kelse, basylymnyń búgingi nómirin jiberip almańyz.

***

«Kazahstanskaıa pravda» gazetiniń jazýynsha, keshe Parlament Májilisiniń Tóraǵasy Oral Muha­med­janov Germanııa Federatıvtik Respýblıkasynyń Býndes­t­a­gy­nan kelgen delegatsııany qabyldady. Kezdesýde Májilis Tóraǵasy sońǵy jyldary Qazaqstan men Germanııa arasyndaǵy yntymaq­tas­tyq baılanystardyń óristeı túskenin atap ótti. 2009 jyly Qazaq­stan­nyń Germanııadaǵy jyly jáne 2010 jyly Germanııanyń Qa­zaq elindegi jyly tabysty jú­zege asqany anyq. Eki eldiń ara­syndaǵy parlamentaralyq baı­lanys ta jyldan-jylǵa ny­ǵaıyp keledi. 2010 jyldyń qorytyn­dysy boıynsha Germanııa Qazaqstanmen saýda-ekonomıkalyq baı­lanysy altynshy orynǵa kóterildi.