Memlekettik menshiktegi 368 nysan jekeshelendirildi

ASTANA. QazAqparat – Jekeshelendirýdiń 2021-2025 jyldarǵa arnalǵan keshendi josparynda 675 nysandy satý kózdelgen, dep habarlaıdy QazAqparat tilshisi.

Bul týraly QR Premer-Mınıstriniń orynbasary – Qarjy mınıstri Erulan Jamaýbaev Úkimettiń búgingi otyrysynda aıtty.

«Jyl basynan beri 308 mlrd teńgege 368 nysan satyldy jáne keıinnen satyp alý quqyǵymen senimgerlik basqarýǵa berildi. Taǵy 40 nysan satylýǵa qoıyldy», - dedi Erulan Jamaýbaev.

Sonymen birge, Qarjy mınıstriniń aıtýynsha, 61 nysan qaıta uıymdastyrýǵa jáne taratýǵa jiberildi. 206 nysan satý aldyndaǵy daıyndyqta tur.

Buǵan deıin E. Jamaýbaev memlekettik aýdıttiń 3 mlrd teńgege jýyq qarjylyq buzýshylyqty anyqtaǵanyn aıtqan edi.

Eske sala ketsek, qańtar aıynda memlekettik bıýdjetke 1,5 trln teńge túsken.

Bıýdjettiń 71 mlrd teńgesi ıgerilmeı qalǵan.