Memlekettik mekemeniń mórin basqan aqtóbelik sheneýnik jaýapqa tartyldy
Áleýmettik jelidegi quttyqtaý bir adamdy jumyssyz qaldyrdy. Bul joly Shalqar aýdandyq ádilet basqarmasynyń shtattan tys is júrgizýshisi A.Kúzembaev «1 naýryz elimizde tórtqaralar kúni atap ótiledi» dep jazdy. Keıin bul quttyqtaý hatyn WhatsApp arqyly bir topqa salyp, hat bir sátte áleýmettik jelige jarııalanǵan. QR Memlekettik qyzmet isteri jáne sybaılas jemqorlyqqa qarsy is-qımyl agenttiniń oblystyq departamenti bul jazbaǵa qatysty tekserý júrgizdi.
«Shalqar aýdandyq ádilet basqarmasynyń jetekshi mamany A.Kúzbaev dep qol qoıyp, mór basqan adam shtattan tys is júrgizýshisi bolyp eńbek etken. Ol osy isinen soń óz erkimen jumysynan ketti. Al Shalqar aýdandyq ádilet basqarmasy basshysynyń mindetin atqarýshydan túsinikteme alynyp, oǵan sógis jarııalandy», - dedi departamenttiń baspasóz qyzmetkeri Anar Táńirbergenova.