Memlekettik mekemelerdiń qyzmetine ádisnama, biliktilikti arttyrý jáne qaıta daıarlaý bóliginde úılestirýdi júzege asyrý Esep komıtetine júkteledi
ASTANA. 8 maýsym. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «QR keıbir zańnamalyq aktilerine syrtqy memlekettik qarjylyq baqylaýdy jetildirý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldady.
Atalǵan zań jobasymen oblystar, Astana, respýblıkalyq mańyzy bar qala máslıhattarynyń tıisti ákimshilik-aýmaqtyq birlikteriniń máslıhattaryna esep beretin jáne óz quzyreti sheginde jergilikti deńgeıde syrtqy mekemelerdiń uıymdastyrý-quqyqtyq nysanyndaǵy tekserý komıssııalaryn qurý máselesi retteledi. Bul rette memlekettik mekemelerdiń qyzmetine ádisnama, biliktilikti arttyrý jáne qaıta daıarlaý bóliginde úılestirýdi júzege asyrý Respýblıkalyq bıýdjettiń atqarylýyn baqylaý jónindegi esep komıtetine júkteledi. Zań jobasyn qabyldaý Memleket basshysynyń jergilikti bıýdjetterdiń atqarylýyn memlekettik qarjylyq baqylaý júıesin nyǵaıtý jónindegi tapsyrmasyn iske asyrýǵa múmkindik beredi. Sonymen qatar, bilikti kadrlardy tartýǵa, baqylaý is-sharalaryn jetildirýge septigin tıgizip, bunyń josparlyǵyn, tıimdiligin qamtamsyz etedi. Budan bólek, tekserý komıssııalarynyń jergilikti memlekettik bılik organdaryna tikeleı táýeldiligin boldyrmaı, memlekettik shyǵystardy ońtaılandyrady.
