Memlekettik mekemelerde memlekettik sımvoldardy laıyqsyz ustaý faktilerin doǵarý qajet - A.Balaeva
ASTANA. 13 maýsym. QazAqparat - Astanadaǵy memlekettik mekemelerdegi memlekettik sımvoldardy ustaý tártibine qatań baqylaý ornatý qajet.
Bul týraly búgin Astana ákimdigi janyndaǵy QR Memlekettik sımvoldar jónindegi komıssııanyń otyrysynda komıssııa tóraǵasy, elorda ákiminiń orynbasary Aıda Balaeva málim etti.
"Osy ýaqytqa deıin mekemelerdegi, ásirese memlekettik mekemeler men organdar nysandarynda memlekettik sımvoldardyń laıyqsyz ustalǵan óreskel oqıǵalaryna jol bermeý qajet. Barlyǵyn retke keltiretin ýaqyt jetti", - dedi A.Balaeva.
Aýdandyq ákimdikterdiń tekserý júrgizýi boıynsha, atalmysh oqıǵalar sot ǵımarattarynda, Densaýlyq saqtaý mınıstrliginde, bilim berý oryndarynda, TJM mekemelerinde anyqtalǵan.
Onyń aıtýynsha, mamyr aıynda komıssııa otyrysy ótkizilgen jáne úkimettik organdarǵa memlekettik sımvoldardy qalaı ustaý qajettigi jóninde aýqymdy túsindirý jumystary júrgizilgen. Alaıda Qazaqstannyń memlekettik sımvoldary kúni merekesi ótkennen keıin de óreskel jaǵdaılar kezdesýde. Bul buzýshylyqtardyń barlyǵy qala kúnine qarsy joıylýy tıis.
"Prokýratýra atalǵan mekeme basshylaryna qatysty sharalar qoldanyp, jaýapqa tartýdy talap etemin. Biz memlekettik emes organdardan jáne jekemenshik kompanııalardan sımvoldardyń tıisti deńgeıde ustalýyn talap etemiz. Biraq memlekettik mekemeler sol talaptardy ustaýda úlgi bolýdyń ornyna ózderi jıi buzady. Bul talap memlekettik mereke tusynda ǵana emes, ár kezde baqylaýda bolýy shart", - dep túıdi sózin komıssııa tóraıymy.
