Memlekettik mekeme basshysy qamqorlyǵy úshin kásipkerden 2 mln teńge para alǵan

NUR-SULTAN. QazAqparat - «Almatyjolzerthana» respýblıkalyq memlekettik mekemesiniń basshysy kásipkerden qamqorlyǵy úshin 2 mln teńge para alǵan. Bul týraly búgin QR Memlekettik qyzmet isteri jáne sybaılas jemqorlyqqa qarsy is-qımyl agenttigi Qoǵammen baılanys departamentiniń dırektory Arman Berdalın aıtty, dep habarlaıdy QazAqparat tilshisi.

Onyń aıtýynsha, Sybaılas jemqorlyqqa qarsy is-qımyl ulttyq bıýrosynyń Almaty oblysy boıynsha departamenti «Almatyjolzerthana» respýblıkalyq memlekettik mekemesi basshysyna qatysty sotqa deıingi tergeý júrgizip jatyr.

«Ol JShS dırektorynan júzege asyryp jatqan kásipkerlik qyzmetine qamqorlyǵy úshin jalpy somasy 2 mln teńge para aldy dep kúdikke ilikti. Kinásin tolyq moıyndaýyna baılanysty kúdiktige qatysty kepil túrindegi bultartpaý sharasy qoldanyldy. Tergeý jalǵasýda», - dedi Arman Berdalın.

Departament basshysynyń aıtýynsha, mundaı qylmystar «Qazavtojol» ulttyq kompanııasy» aktsıonerlik qoǵamy fılıalynyń jáne Pavlodar oblysy boıynsha «Pavlodarjolzerthana» respýblıkalyq memlekettik mekemesiniń laýazymdy tulǵalaryna qatysty da anyqtalǵan. Qazirgi tańda is sotta qaralyp jatyr.