Memlekettik materıaldyq rezervter komıtetiniń eks-tóraǵasy 8 jylǵa sottaldy

NUR-SULTAN. QazAqparat – Memlekettik materıaldyq rezervter komıtetiniń laýazymdy tulǵalary senip tapsyrylǵan múlikti ysyrap etkeni úshin sottaldy. Barlyǵy 21 adamǵa sot úkimi shyqty, dep habarlaıdy qazAqparat.

QR Sybaılas jemqorlyqqa qarsy is-qımyl agenttiginen málim etkendeı, Memlekettik materıaldyq rezervter komıteti (MMRK) «Rezerv» RMK fılıaldarynyń laýazymdy tulǵalaryna jáne azyq-túlik jetkizýshilerine qatysty (barlyǵy 22 adam) senip tapsyrylǵan múlikti asa iri mólsherde ysyrap etý faktileri boıynsha sotqa deıingi tergeý aıaqtaldy. Zalal somasy – 6,5 mlrd teńge.

1 aqpanda Almaty qalasy Almaly aýdandyq sotynyń úkimimen 21 adam bas bostandyǵynan aıyrý jáne 1-eýi bas bostandyǵyn shekteý jazalaryna sottaldy. Atap aıtqanda:

- MMRK burynǵy tóraǵasy Imanalıev 8 jylǵa bas bostandyǵynan aıyrylyp, ony «Qurmet» ordeni, «Qazaqstan Konstıtýtsııasyna 10 jyl», «Astanaǵa 10 jyl», «Qazaqstan Respýblıkasynyń Táýelsizdigine 20 jyl», «Qazaqstan Konstıtýtsııasyna 20 jyl» medaldarynan aıyrý týraly Prezıdentke usynys engizildi (úı qamaýy úkim zańdy kúshine engenge deıin saqtaldy, úkim kúshine engennen keıin ol qamaýǵa alynady);

- MMRK Memlekettik satyp alý basqarmasynyń basshysy Maqashev 8 jylǵa bas bostandyǵynan aıyryldy;

– «Rezerv» – «Vysota» RMK fılıalynyń dırektory Jaqanov pen bólim bastyǵy Rodın, sondaı-aq «Rezerv» – «Sıgnal» RMK fılıalynyń dırektory Ǵalıev 8 jylǵa bas bostandyǵynan aıyryldy;

Atalǵan laýazymdy tulǵalar memlekettik qyzmette laýazym ıelený quqyǵynan ómir boıyna aıyryldy.

– «Rezerv» – «Vysota» RMK fılıaly dırektorynyń orynbasary Qusaıynovqa 2 jylǵa bas bostandyǵyn shekteý jazasy taǵaıyndaldy;

- azyq-túlik ónimderin jetkizýshiler Adamov, Drozdetskaıa, Tartýmanov, Rashıtov, A.Sabazov A., O.Sabazov, Abdýkarımov, Baqaev, Ǵabdýllın, Sadaı, Isaev, B.Qojanov, D.Qojanov, Qanathan, Mustafınov, Ospanov 8 jylǵa bas bostandyǵynan aıyryldy.