Memlekettik materıaldyq rezervte qandaı zattar saqtalady
«Qazirgi ýaqytta memlekettik materıaldyq rezervte materıaldyq qundylyqtardyń 108 túri (tósek-oryn jabdyqtary, kıim, ydys-aıaq, tirshilikti qamtamasyz etý quraldary, shatyrlar, elektr kerek-jaraqtary, qurylys materıaldary men jabdyqtary, arnaıy avtomobıl tehnıkasy) jáne azyq-túliktiń 14 túri (un, et konservileri, qant, ósimdik maıy, shaı, makaron ónimderi, ártúrli jarma, tuz, keptirilgen kókónis jáne t.b.) bar», - delingen Úkimet basshysynyń Senat depýtattary saýalyna bergen jaýabynda.
Onyń atap ótýinshe, bul materıaldyq qundylyqtar jyl saıyn tabıǵı jáne tehnogendik sıpattaǵy tótenshe jaǵdaılardyń aldyn alý jáne joıý jónindegi is-sharalarda qoldanylady.
«Pavlodar oblysy Ekibastuz qalasynyń aýmaǵyndaǵy jergilikti aýqymdaǵy tehnogendik sıpattaǵy tótenshe jaǵdaıdy joıý kezeńinde memlekettik materıaldyq rezerv qoımalarynan jylý elektr ortalyǵy men jylý jelilerindegi apatqa baılanysty múlik (pesh - 30 dana, dalalyq as úı - 2 dana, vahtalyq konteıner - 1, maıly radıator - 50 dana, tósek-oryn kerek-jaraqtary – 5 000 dana, ydys - 4800 dana, jylý berý radıatorlary - 800 dana) bronnan shyǵarylyp, jetkizildi», - dedi Premer-Mınıstr.
