Memlekettik materıaldyq rezerv júıesin jetildirýge baǵyttalǵan zań jobasyna depýtattar 14 túzetý engizdi
ASTANA. Qarashanyń 10-y. QazAqparat. /Aıdyn Báımen/ - Májilistiń jalpy otyrysynda elimizdiń birqatar zańdaryna memlekettik materıaldyq rezerv máselelerine qatysty tolyqtyrýlar engizýdi kózdeıtin zań jobasy talqyǵa salynatyn boldy.
Osy zań jobasyn jumys tobynda jan-jaqty qarap, tolyqtyrýlar engizgen Májilistiń Ekonomıkalyq reforma jáne óńirlik damý komıteti óz qorytyndysyn shyǵardy, dep habarlaıdy QazAqparat.
Zań jobasy memlekettik materıaldyq rezerv júıesin jetildirýge baǵyttalǵan. Zań jobasynyń negizgi maqsaty «Memlekettik materıaldyq rezerv týraly» jáne «Memlekettik qupııalar týraly» Qazaqstan Respýblıkasynyń zańdaryn memlekettik materıaldyq rezerv júıesin damytýdyń tujyrymdamalyq tásilderine sáıkestendirý, sondaı-aq quqyqtyq aqtańdaqtardyń ornyn toltyrý bolyp tabylady.
Zań jobasyn qabyldaý quqyqtyq jáne áleýmettik-ekonomıkalyq saldarǵa keri áserin tıgizbeıdi, sondaı-aq respýblıkalyq bıýdjetten qosymsha shyǵyndy qajet etpeıdi.
Qorytyndy salystyrma kestege Májilis depýtattary engizgen 14 túzetý engizilip otyr. Túzetýlerdiń barlyǵy jumys tobynda jáne komıtet otyrysynda qabyldanǵan.
Bul zań jobasyn erteń, qarashanyń 11-i kúni, Májilis depýtattary talqyǵa salady.
