Memlekettik qyzmettiń jańa modeli qyzmetkerlerdiń óz qyzmet mansabynyń turaqtylyǵyna senimdiligin qalyptastyrady
ASTANA. QazAqparat - Memlekettik qyzmettiń jańa modeli memlekettik qyzmetkerlerdiń óz qyzmet mansabynyń turaqtylyǵyna senimdiligin qalyptastyrýǵa múmkindik beredi, dep málimdedi QR Memlekettik qyzmet isteri mınıstrliginiń jaýapty hatshysy Saıan Ahmetjanov. Bul týraly Úkimet basshysynyń primeminister.kz saıty habarlady.
«Memlekettik qyzmetkerlerdiń mansaptyq model júıesi ózderi qyzmet etetin mansaptarynyń turaqty memlekettik qyzmetkerlerdiń senimin qalyptastyrýǵa, alǵa basýǵa septigin tıgizedi. (...) Jańa elementterdi engizý, tıisinshe memlekettik qyzmetkerlerdiń mansap modelinde memlekettik apparattyń kásipqoılyǵyn joǵarylatady», - dedi S.Ahmetjanov OKQ brıfınginde.
Ol memlekettik qyzmetkerlerdiń mansap modeli merıtokratııalyq qaǵıdaǵa, eńbegi men jetistikteriniń biliktilikterine negizdelgenin atap ótti.
Jáne, ol keleshekte memlekettik qyzmetkerlerdiń mansap satysyna kóterilýi konkýrstyq irikteý arqyly júrgiziletindigin habarlady.
«Birinshi konkýrs - ishki, ol ózderiniń memlekettik organdary arasynda ótkiziledi. Sodan keıin, úmitker ishki konkýrs qorytyndysy boıynsha anyqtalmasa, barlyq memlkettik organdar ishinde ishki konkýrs ótkiziledi. Bul turǵyda úmitkerler nemese qazirgi memlekettik qyzmetkerler ishki konkýrsqa qatyspaıdy jáne testileý kezeńin ótpeıdi. Tek memlekettik organdarda suhbattasý ótedi», - dep túsindirdi S.Ahmetjanov
