Memlekettik qyzmettiń qazaqstandyq modeli TMD boıynsha úzdik

KÓKShETAÝ. QazAqparat - Aqmola oblysy boıynsha memlekettik qyzmet isteri jáne sybaılas jemqorlyqqa qarys is-qımyl departamentiniń basshysy Bergen Bespalınov jas memlekettik qyzmetshilermen kezdesti, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Aqmola oblysy ákimdiginiń janyndaǵy memlekettik qyzmetshilerdi qaıta daıarlaý jáne biliktiligin kóterý ortalyǵynda uıymdastyrylǵan kezdesýde B. Bespalınov sheteldik sarapshylardyń pikirin aıta kele, memlekettik qyzmettiń qazaqstandyq modeli TMD elderi arasynda eń úzdik bolyp otyrǵanyn atap ótti.

«Birinshi ınstıtýtsıonaldy reformany júzege asyrý memlekettik qyzmettiń qadirin biletin, bilikti de, bilimdi adamdardan turatyn memlekettik apparaty qurýǵa septigin tıgizedi. Sonymen qatar, memlekettik apparattyn tıimdi jumys isteýi memlekettik qyzmetshilerdiń básekege qabiletti, kásibı jáne patrıot bolýyna tikeleı baılanysty», - dedi  departament basshysy.

Kezdesý barysynda konstrýktıvti dıalog júrgizilip, ókiletti organ basshysy men biliktiligin kóterip jatqandar arasynda memlekettik qyzmetke qatysty pikir almasty.

Aıta ketý kerek, oblys boıynsha memlekettik qyzmetshilerdiń ortasha jasy 39 jasty quraıdy. Onyń ishinde 25 paıyzy 29 jasqa deıingi memlekettik qyzmetshiler.

Oblystaǵy jergilikti atqarýshy organdarda 222 jas memlekettik qyzmetshige tálimger bektilgen. 110 memlekettik qyzmetshi synaq merziminen ótip, óńirdegi memlekettik organdarda jumys isteýde.