Memlekettik qyzmetti kásibılendirý kadrlardy oqytý júıesine tikeleı baılanysty - Sh.Esimova
ASTANA. QazAqparat - Memlekettik qyzmetti kásibılendirý kadrlardy oqytý júıesine tikeleı baılanysty. Bul pikirdi búgin QR Prezıdenti janyndaǵy Memlekettik basqarý akademııasynyń vıtse-rektory Sholpan Esimova bildirdi.
«Memlekettik qyzmetti kásibılendirý kadrlardy oqytý júıesine tikeleı baılanysty», - degen ol búginde Memlekettik basqarý akademııasy elimiz úshin basqarýshy kadrlardy daıyndaýda negizgi rol atqaryp otyrǵanyn basa aıtty.
«Akademııanyń 2020 jylǵa deıingi damý strategııasynda elimizdi tabysqa jeteleıtin basqarýshy kadrlardyń negizgi býynyn sapaly daıyndaý maqsatyna basa nazar aýdarylǵan», - dep qosty Sh.Esimova.
Sonymen qatar Ortalyq Azııa óńirindegi etnosaralyq jáne konfessııaaralyq qatynastardy zertteý ortalyǵynyń jetekshisi, áleýmettaný ǵylymdarynyń doktory Aıgúl Sadýaqasova ortalyqtyń memlekettik etnosaıasatty iske asyrý jáne Qazaqstandaǵy etnokonfessııalyq qatynastardy retteý máseleleri boıynsha bilim berý is-sharalaryn ótkizýmen, etnosaralyq jáne toleranttylyq pen qoǵamdyq kelisimniń qazaqstandyq modelin nyǵaıtý men damytý jónindegi strategııalyq tujyrymdamany ázirleýmen, Qazaqstannyń etnosaralyq jáne konfessııaaralyq qatynastary boıynsha ǵylymı-zertteý bazasyn qalyptastyrýmen aınalysatyndyǵyn atap ótti.
