Memlekettik qyzmetterdiń kópshiligi smartfonǵa aýystyrylady

ASTANA. QazAqparat – Memlekettik qyzmetterdiń kópshiligi smartfonǵa aýystyrylady. Bul týraly QR Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Tujyrymdama kóshi-qon protsesterin tsıfrlyq turǵydan damytýdy josparlaıdy. Sondyqtan, kóshi-qon protsesin durys uıymdastyrý úshin olardy qaıta qarastyryp, ońtaılandyramyz. Kóptegen memlekettik qyzmetterdi smartfonǵa aýystyramyz», - dedi Marat Ahmetjanov búgin Úkimet otyrysynda.

Onyń atap ótýinshe, atalǵan is-sharalar sybaılas jemqorlyq táýekelderin azaıtýǵa yqpal etetin bolady.

«Jalpy, tsıfrlyq formatqa aýysý, sondaı-aq ýákiletti organnyń eńbek mıgranttaryna qatysty saıasatty jeńildetý nátıjesinde elimizde zańsyz bolýshylar kóleńkeden shyǵady dep senemiz», - dedi mınıstr.