Memlekettik qyzmetterdiń 80%-yn halyq smartfon arqyly alyp otyr - Álıhan Smaıylov

ASTANA. QazAqparat – Ótken jyldyń qorytyndysy boıynsha memlekettik qyzmetterdi elektrondy túrde alý 92%-ǵa deıin jetti. Bul týraly Premer-Mınıstr Álıhan Smaıylov málim etti, dep habarlaıdy QazAqparat tilshisi.

Úkimet basshysynyń qatysýymen Tsıfrlyq damý, ınnovatsııalar jáne aeroǵarysh ónerkásibi mınıstrliginiń keńeıtilgen alqa otyrysy ótip jatyr.

«Mınıstrlik aldynda memlekettik qyzmetti jáne jalpy ekonomıkany tsıfrlandyrý boıynsha birqatar mańyzdy mindetter tur. Ótken jyly elektrondy túrde usynylǵan memlekettik qyzmetterdiń deńgeıi 92%-ke deıin jetti. Onyń 80%-n halyq smartfon arqyly alyp otyr. Ótken jyldyń qorytyndysy boıynsha BUU «Elektrondyq úkimet» halyqaralyq reıtınginde Qazaqstan 28-orynǵa ıe boldy. Eldi mekenderdiń 77%-i mobıldi keń jolaqty ınternetpen qamtylǵan, onyń ishinde 3G tehnologııasy boıynsha – 44%, 4G – 33%», - dedi Álıhan Smaıylov atalǵan jıynda.

Sondaı-aq, Úkimet basshysy oń dınamıkany bıyl da jalǵastyrý kerektigin aıtty.

«Memleket basshysynyń Qazaqstan halqyna Joldaýynda jáne Saılaýaldy baǵdarlamasynda, sondaı-aq Úkimettiń keńeıtilgen otyrysynda bergen tapsyrmalaryn iske asyrýǵa bar kúsh-jigerdi jumyldyrý qajet», - deıdi ol.