«Memlekettik qyzmetter týraly» jańa zań jobasy halyqaralyq standarttarǵa jaýap beredi - BUU DB ókili
ASTANA. 10 tamyz. QazAqparat - «Memlekettik qyzmet týraly» jańa zań jobasy halyqaralyq talaptarǵa jaýap beredi. Bundaı pikirdi Qazaqstandaǵy BUU damý baǵdarlamsynyń turaqty ókili Ekaterına Panıklova bildirdi.
Eske sala keteıik, búgin Astanada «Qazaqstan Respýblıkasynda memlekettik qyzmet salasyn damytý» taqyrybyna arnalǵan «dóńgelek ústel» barysynda «Memlekettik qyzmetter týraly» zań jobasy talqylanǵan bolatyn.
«Memlekettik qyzmet kórsetý máselesine sońǵy ýaqytta asa zor nazar aýdarylyp keledi. Bul asa mańyzdy másele. Sonymen qatar, Qazaqstanda elektrondyq qyzmet kórsetýler salasynda, onyń ishinde halyqqa qyzmet kórsetý ortalyqtarynda tıimdi sharalar júzege asyp jatqanyn atap ótý kerek. Budan bólek, QR Prezıdentiniń memlekettik qyzmet sapasyn arttyrý týrasyndaǵy sońǵy júktegen tapsyrmalary da respýblıkanyń óz azamattarynyń jaǵdaılaryn jaqsartýǵa umtylys progresin bildiredi», -deıdi E.Panıklova.
Onyń aıtýynsha, jańa ázirlengen zań jobasy memlekettik qyzmet júıesin tujyrymdamaly túrde asa joǵary jaýapkershilikti júkteıdi jáne ol halyqaralyq standarttarǵa jaýap beretin bolady.
Toqtala ketetin jaıt, zań jobasymen memlekettik qyzmet kórsetý barysynda tutynýshylardyń zańdy múddeleri men quqyqtary buzylǵan jaǵdaıda ol boıynsha shaǵymdar qaraý ınstıtýtyn engizý de kózdeledi. Memlekettik qyzmet kórsetýdiń standarttary men reglamentine talaptar arta túsedi, sonyń ishinde árbir azamatty memlekettik qyzmet standarttary jobasyn talqylaýǵa tartý sharalary qaralady.
