«Memlekettik qyzmetter kórsetý týraly» zań jobasy maquldandy - Májilis
ASTANA. 6 naýryz. QazAqparat - Búgin QR Parlamenti Májilisiniń jalpy otyrysynda palata depýtattary «Memlekettik qyzmetter kórsetý týraly» zań jobasyn ekinshi oqylymda maquldady.
Májilis maquldaǵan qujat endi Parlament Senatyna joldanady.
Aıta keteıik, zań jobasynyń negizgi maqsaty memlekettik qyzmetter kórsetýdi zańnamalyq retteý, memlekettik qyzmetter kórsetý tártibine qoıylatyn birkelki talaptardy qamtamasyz etý bolyp tabylady. Bul rette kórsetiletin memlekettik qyzmetter salasyndaǵy memlekettik organdar ókilettikteriniń arajigin naqty ajyratý, memlekettik qyzmetterdi, onyń ishinde olardy elektrondyq nysanda kórsetý rásimderin jetildirý sharalary da qarastyrylady.
Zań jobasynyń negizgi jańalyqtarynyń biri - memlekettik qyzmetter kórsetý sapasyna qoǵamdyq monıtorıng, baǵalaý men baqylaý júrgizý.
Ekinshi oqylymǵa ázirleý barysynda depýtattar kórsetiletin memlekettik qyzmetterdi alýshylardyń quqyqtaryn, sondaı-aq kórsetiletin qyzmetti berýshilerdiń quqyqtary men mindetterin naqty reglamentteýdi belgileýge qatysty usynystar jasaǵan. Budan bólek, zań jobasy osy saladaǵy Úkimettiń jáne ýákiletti organdardyń memlekettik qyzmetter kórsetý salasyndaǵy quzyretterin aıqyndaý jónindegi jańa taraýmen tolyqty. Sonymen qatar, kórsetiletin memlekettik qyzmetterdiń standarttaryn, reglamentterin jáne tizilimin ázirleýge, olardyń mazmunyna qoıylatyn talaptardy naqtylaýǵa baǵyttalǵan túzetýler jasaldy.
Sondaı-aq, palata depýtattary memlekettik qyzmetter, onyń ishinde olardy halyqqa qyzmet kórsetý ortalyqtary arqyly kórsetý úderisterin ońtaılandyrý men avtomattandyrý jónindegi notalardy naqtylaýǵa, qyzmetter kórsetý sapasy men tártibi týraly habardar etý jónindegi normalardy jaqsartýǵa baǵyttalǵan túzetýlerdi de engizgen.
