Memlekettik qyzmetter kórsetý sapasyna qoǵamdyq monıtorıng júrgiziledi - Zań jobasy
Atalǵan qujat memlekettik qyzmetter kórsetý salasyndaǵy qoǵamdyq qatynastardy zańnamalyq turǵydan retteýdi, olardy kórsetý tártibine qoıylatyn birkelki talaptardy qamtamasyz etýdi kózdeıdi.
Sonymen qatar, qujat boıynsha memlekettik organdardyń kórsetiletin qyzmetter salasyndaǵy ókilettikteriniń arajigi naqty ajyratylyp, osyndaı qyzmetterdi onyń ishinde elektrondyq nysanda kórsetý rásimin jetildirý qarastyrylady.
Budan bólek, memlekettik qyzmetterdi halyqqa qyzmet kórsetý ortalyqtary arqyly elektrondyq nysanda kórsetý tártibin aıqyndaý sharalary naqtylanady.
Sondaı-aq memlekettik qyzmetter kórsetý sapasyna qoǵamdyq monıtorıng júrgizý engiziledi jáne onyń tártibi reglamentteledi.
Jalpy alǵanda, qujatty qabyldaý memlekettik qyzmetter kórsetý salasyndaǵy zańnamany jetildirýge jáne júıelendirýge, zańnamadaǵy quqyqtyq olqylyqtardyń ornyn toltyrýǵa, memlekettik qyzmetter kórsetý sapasyn arttyrýǵa yqpal etedi.
