Memlekettik qyzmetter kórsetý salasynda normatıvtik quqyqtyq baza qurylady

ASTANA. 28 naýryz. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine memlekettik qyzmetter kórsetý máseleleri boıynsha ózgerister men tolyqtyrýlar engizý týraly» zańyn eki oqylymda qarap, qabyldady.

Parlament qabyldaǵan zań Memleket basshysynyń qol qoıýyna joldanady.

Atalǵan qujat buǵan deıin Senatta qabyldanǵan «Memlekettik qyzmetter kórsetý týraly» Zańǵa ilespe joba bolyp tabylady. Qujat negizinen memlekettik qyzmetter kórsetý salasyndaǵy qyzmetti retteıtin normatıvtik quqyqtyq bazany qurýǵa baǵyttalady. Bul rette, kórsetiletin qyzmetter salasyndaǵy quqyqtyq normalardyń qaıtalanýyn boldyrmaý, osy salany retteýge birkelki tásilderdi qamtamasyz etý sharalary kózdeledi. Osyǵan oraı, zań jobasymen Bıýdjet kodeksine, «Halyq densaýlyǵy jáne densaýlyq saqtaý júıesi týraly» kodekske jáne «Qazaqstan Respýblıkasyndaǵy zeınetaqymen qamsyzdandyrý týraly» zańǵa ózgerister engiziledi.

Budan bólek, zań jobasymen «Ákimshilik rásimder týraly», «Memlekettik áleýmettik tapsyrys týraly», «Jeke kásipkerlik týraly», «Aqparattandyrý týraly» jáne taǵy da basqa birqatar zań normalaryna ózgertýler usynylyp otyr.