Memlekettik qyzmetter qazaqstandyqtar úshin kez kelgen HQKO-da qoljetimdi bolady - Kólik jáne kommýnıkatsııa mınıstrligi
Bul týraly Kólik jáne kommýnıkatsııa mınıstrliginiń baspasóz qyzmetinen habarlady.
HQKO-da tirkelý aýdanyna qaramastan jáne aýmaqtan tysqarylyq prıntsıpi boıynsha azamattarǵa qyzmet kórsetýdi turǵyndar arasynda eń talap etilgen memlekettik qyzmetterge qoldaný uıǵarylyp otyr. Qazir eki qalanyń turǵyndary noý-haý múmkindikterin tólqujat pen jeke kýálikti alý kezinde paıdalana alady.
«Astana jáne Almaty turǵyndary qazirden bastap ózderiniń qalasyndaǵy kez kelgen HQKO-ǵa kýálandirý qujatyn alý úshin bara alady. Memlekettik qyzmetti alý úshin olarǵa meken-jaı anyqtamasyn kórsetýdiń qajeti joq. Osylaısha aýmaqtan tysqarylyq prıntsıpi memlekettik qyzmetterdi alý shartyn jeńildetip qana qoımaı, sonymen birge turǵyndardyń aqshalaı shyǵyndaryn únemdeıdi» - deıdi Kólik jáne kommýnıkatsııa vıtse-mınıstri Sáken Sársenov.
Sonymen birge ol keleshekte aýmaqtan tysqarylyq prıntsıpin eń talap etilgen qyzmetterge qoldaný jáne basqa qalalarda engizý josparlanǵanyn aıtty.
