Memlekettik qyzmette «bastyq» bolmaıdy
ASTANA. 26 naýryz. QazAqparat - Elimizdegi memlekettik qyzmet tiziliminen «bastyq» sózi alynyp tastaldy. Bul týraly Astanada QR Prezıdenti janyndaǵy Ortalyq kommýnıkatsııalar qyzmetiniń dástúrli aptalyq brıfınginde Memlekettik qyzmet isteri agenttiginiń tóraǵasy Álıhan Báımenov osylaı málim etti.
«Toqtala ketetin jaıt, «bastyq» sózi tek «QR Prezıdenti keńsesiniń bastyǵy» laýazymynda ǵana qalyp, qalǵan tizilimnen tolyǵymen alynyp tastaldy. ıAǵnı, qalǵan barlyq azamattyq jáne memlekettik qyzmet laýazymdaryndaǵy tizilimde «bastyq» sózi qazirdiń ózinde qoldanylmaıdy. Degenmen, «bastyq» termıni quqyq qorǵaý júıesinde, Qorǵanys mınıstrliginde saqtalyp qalady. Óıtkeni, bunda ózara baılanystyń basqa sıpaty, memlekettik qyzmetshiler men basshylar arasyndaǵy qarym-qatynastyń basqasha qaǵıdalarǵa negizdelgeni kórinip tur», - deıdi agenttik tóraǵasy.
«Shynynda da «bastyq» sózi teris uǵymǵa aınalyp ketken. Sol sebepten de memlekettik qyzmetshi laýazymyndaǵy jańa tizilimde bastyq sózi joq», - dedi ol.
