Memlekettik qyzmetshilerge jylyna bir ret biliktilikti arttyrý usynyldy

NUR-SULTAN. QazAqparat – Qazaqstanda memlekettik qyzmetshilerge jylyna bir ret biliktilikti arttyrý kýrsynan ótý mindetelýi múmkin. Bul týraly QR Memlekettik qyzmet isteri agenttiginiń tóraǵasy Anar Jaıylǵanova aıtyp berdi, dep habarlaıdy QazAqparat tilshisi.

«Memlekettik qyzmetshilerdiń sapalyq quramyn jaqsartýdy qamtamasyz etý óte mańyzdy. Úzdiksiz ózin-ózi jetildirý, onyń ishinde jylyna eń kemi bir ret biliktilikti arttyrý – basty qaǵıdat bolýy tıis», - dedi A. Jaıylǵanova QR Memlekettik qyzmet isteri agenttiginiń Alqa otyrysynda.

Onyń aıtýynsha, qyzmetkerlerdi basqarý qyzmetteri memlekettik qyzmetshilerdiń quzyrettiligin damytýǵa múddeli bolýy tıis.

«Kadr qyzmetterine akademııamen birlesip, jeke damý josparlaryn qalyptastyrý jumystaryn durys qurý mańyzdy, bul túptep kelgende memlekettik apparatty kásibılendirýge yqpal etýi tıis. Osyǵan baılanysty akademııa árbir memlekettik qyzmetshiniń maqsatty oqýyn eskere otyryp, biliktilikti arttyrý júıesin qaıta qaraýy qajet», - deıdi Anar Jaıylǵanova.