Memlekettik qyzmetshilerge syılyq bergen úsh aqmolalyq jazalandy
Vedomstvonyń málimetinshe, bul týraly «Antikor.live» jobasy aıasynda ótken onlaın-brıfıng barysynda aıtyldy. Brıfıngte memlekettik qyzmetshilerdiń sybaılas jemqorlyqqa qarsy shekteýlerdi saqtaýy, onyń ishinde qyzmettik ókilettigin oryndaýǵa baılanysty syılyqtardy qabyldamaý jáne syılyqtardy arnaıy memlekettik qorǵa tapsyrý máselesi aıtyldy.
«Ákimshilik quqyqbuzýshylyq týraly zańnamaǵa sáıkes, jeke tulǵalardyń memlekettik qyzmetshilerge jáne olarǵa teńestirilgen tulǵalarǵa zańsyz materıaldyq syıaqy, syılyqtar, jeńildikter nemese qyzmetter kórsetkeni úshin, eger de bul áreketterde qylmystyq jaza qarastyrylǵan áreket belgileri bolmasa, 200 AEK (2020 jyly 555 600 teńge) kóleminde aıyppul salýǵa ákep soǵady. Al memlekettik qyzmetshiler men olarǵa teńestirilgen tulǵalardyń zańsyz materıaldyq syıaqy, syılyqtar, jeńildikter nemese qyzmetterdi, olardy usynǵan tulǵalardyń paıdasyna áreketteri (áreketsizdigi) úshin alýy, eger mundaı áreketter (áreketsizdik) memlekettik fýnktsııalardy oryndaýǵa ýákilettik berilgen tulǵanyń nemese oǵan teńestirilgen tulǵanyń qyzmettik ókilettikterine kiretin bolsa, eger bul áreketterde qylmystyq jaza qoldanylatyn áreket belgileri bolmasa, 600 AEK (2020 jyly 1 666 800 teńge) kóleminde aıyppul túrinde ákimshilik jaýapkershilik qarastyrylǵan», - dep eskertti brıfıngte Aqmola oblysy boıynsha Sybaılas jemqorlyqqa qarsy is-qımyl departamenti basshysynyń birinshi orynbasary Arman Berdalın.
Onyń aıtýynsha, ótken jyly zańsyz materıaldyq syıaqy bergeni úshin 3 jeke tulǵa jalpy somasy 1 mıllıon teńgeden astam ákimshilik jaýapqa tartylǵan.
«Azamattardy kórsetiletin memlekettik jáne ózge de qyzmetter úshin qalyptasqan laýazymdy tulǵalarǵa materıaldyq rızashylyq bildirý ádetten bas tartýǵa shaqyramyn. Sebebi bul áreketter eki tarap úshin de jaǵymsyz saldarlarǵa ákep soǵýy múmkin. Qurmetti azamattar, eger siz qandaı da bir sybaılas jemqorlyq quqyqbuzýshylyqtyń kýágeri bolsańyz, onda dereý 1424 Sall-ortalyǵyna habarlańyz. Sonymen qatar, siz aýmaqtyq Sybaılas jemqorlyqqa qarsy is-qımyl departamentine de habarlasa alasyz», - dep tolyqtyrdy A.Berdalın.
Aıta ketý kerek, aldaǵy merekeler qarsańynda Aqmola oblysynyń Sybaılas jemqorlyqpen kúres qyzmeti «Sybaılas jemqorlyqqa qarsy is-qımyl týraly» Zańǵa sáıkes memlekettik qyzmetshilerge, sondaı-aq olarǵa teńestirilgen adamdarǵa laýazymdyq mindetterin oryndaý kezinde syılyqtar men ózge de ıgilikter men artyqshylyqtardy qabyldaýǵa tyıym salynatynyn eske salady.