Memlekettik qyzmetshilerge meshitke barýǵa tyıym salatyn shekteý áli engizilgen joq - Ermekbaev

ASTANA. QazAqparat - QR Din isteri jáne azamattyq qoǵam mınıstri Nurlan Ermekbaevtyń aıtýynsha, memlekettik qyzmetshilerge jumys ýaqytynda meshitke barýǵa tyıym salý boıynsha naqty sheshim áli shyǵarylǵan joq, dep xabarlaıdy QazAqparat tilshisi.

«Jumys ýaqytynda memlekettik qyzmetshiler meshitke bara ala ma? Ol suraq ta óte mańyzdy. Sebebi Konstıtýtsııa boıynsha biz árbir azamattyń quqyqtaryna qurmetpen qarap, sol quqyqtary men bostandyqtaryn saqtaýymyz qajet. Ar-ojdan bostandyǵy da bar bizde. Sondyqtan osy máselege qatysty salıqaly bir sheshim bolady dep senemin. Qazir naqty bir nárse aıtý erte. Zańnamalyq ózgerister talqylanǵanda bul máseleni qarap, ortaq sheshimge kelemiz degen oıdamyn», - dedi Ermekbaev búgin Úkimet otyrysynan keıin ótken baspasóz máslıxatynda.

Aıta keteıik, jýrnalısterdiń suraǵyna jaýap bergen mınıstr saqal jiberý, qysqa balaq pen qara oramal kıip júrýge shekteý qoıýǵa qatysty óz oıyn da bildirdi .