Memlekettik qyzmetshilerge dinge qatysty qandaı shekteýler qoıylady

ASTANA. QazAqparat - QR Din isteri jáne azamattyq qoǵam mınıstri Nurlan Ermekbaev jańa zań jobasyndaǵy din men memlekettik qyzmetshilerge qatysty talaptardy aıtyp berdi, dep habarlaıdy QazAqparat tilshisi.

«Usynylyp otyrǵan zań jobasyna sáıkes, memlekettik qyzmetshilerine tek úsh shekteý qoıylady. Birinshiden, olar ózderiniń qyzmettik múmkindikterin dinı birlestikterdiń múddesi úshin paıdalanýǵa bolmaıdy. Ekinshiden, ózge tulǵalardy dinı birlestikterdiń qyzmetine qatysýyna májbúrleı almaıdy, úshinshiden, memlekettik qyzmetshiler dinı birlestikterdiń quryltaıshysy nemese bastamashysy, múshesi bola almaıdy. Al bıýdjetten qarjylandyrylatyn mekemelerdiń qyzmetshilerine atalǵan úsh shekteýdiń ekeýi ǵana qoldanylady», -dedi N. Ermekbaev Májiliste tilshilerge bergen suhbatynda.

Budan bólek, mınıstr zań jobasynyń normasyna sáıkes, 16 jasqa tolmaǵan balalar dinı joralǵylarǵa, jıyndarǵa tek ata-anasymen nemese jaqyn týystarymen ǵana bara alatynyn jetkizdi.

Aıta keteıik, búgin Parlament  Májilisinde «QR keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý» týraly zań jobasy tanystyryldy.