Memlekettik qyzmetshilerge biliktilikti arttyrý semınarynyń nátıjesinde sertıfıkattar tabys etildi

Tyńdaýshylar bir apta boıy «Memlekettik basqarýdy jańǵyrtý jaǵdaıyndaǵy memlekettik qyzmetshilerdiń tulǵasy men kásibı qabiletterin jetildirý» degen taqyrypta bilikti ustazdardan dáris aldy.

Semınardyń jalpy jıyntyǵy 40 saǵattan turady. Apta ishinde tarıh ǵylymdarynyń doktory, professor Seıil Baımaǵambetov, «Nur Otan» HDP Astana qalalyqfılıaly Áleýmettik bastamalardy taldaý jáne boljamdaý ortalyǵynyń jetekshisi, fılosofııa ǵylymdarynyń doktory, professor Qazbek Qazkenov, Strategııalyq josparlaý jáne taldaý departamenti dırektorynyń orynbasary Ashat Rahymbaev, zań ǵylymdarynyń kandıdaty, dotsent Tolqyn Nurysheva, «Memlekettik til» kafedrasynyń dotsenti, fılologııa ǵylymdarynyń kandıdaty Quralaı Aıtmuhametova jáne basqa ǵalymdar tyńdaýshylarǵa dáris berdi. Sonyń ishinde «Tıimdi basqarý stılderi», «Jergilikti memlekettik basqarýdyń óńirlik aspektisi», «Qazaqstandaǵy dinı jaǵdaı jáne demokratııalyq mádenıet qalyptastyrý máseleleri», «Qazaqstan Respýblıkasyndaǵy memlekettik josparlaý: monıtorıng jáne baǵalaý», «Memlekettik qyzmetshiniń sóz mádenıeti» taqyryptary qamtyldy.

Memlekettik qyzmetshilerdiń  biliktiligin arttyrý maqsatynda ótken semınardy osy akademııanyń Memlekettik qyzmetshilerdi qaıta daıarlaý jáne biliktiligin arttyrý ınstıtýtynyń «Basqarý fılosofııasy men ádisnamasy» kafedrasy uıymdastyrǵan bolatyn.

Sertıfıkat tapsyrý barysynda tyńdaýshylarǵa «Basqarý fılosofııasy men ádisnamasy» kafedrasynyń professory, fılosofııa ǵylymdarynyń kandıdaty Eltaı Shahanov jáne fılosofııa ǵylymdarynyń kandıdaty Jalǵas Sandybaev izgi tilekterin bildirdi.

Tyńdaýshylar atynan QR Prezıdenti Ákimshiligi Quqyq qorǵaý júıesi bóliminiń ınspektory Sarqytbek Moldabaev jáne QR Qorǵanys mınıstrligi Áskerı bilim jáne ǵylym departamentiniń ókili Manasbaı Qojanuly osy semınardy uıymdastyrýshylarǵa rızashylyqtaryn jetkizdi.