Memlekettik qyzmetshilerge arnalǵan konkýrstyq rásimder ózgeredi

NUR-SULTAN. QazAqparat – Memlekettik qyzmetshilerge arnalǵan konkýrstyq rásimder 14 kúnge qysqartylady. Bul týraly Parlament Májilisiniń jalpy otyrysynda memlekettik qyzmet máseleleri zań jobasyn talqylaý kezinde QR Memlekettik qyzmet isteri agenttiginiń tóraǵasy Anar Jaıylǵanova málim etti, dep habarlaıdy QazAqparat tilshisi.

«Konkýrstyq rásimderdi ońtaılandyrý usynylady. Atap aıtqanda, 3 kezeńdik konkýrstyq irikteýden 2 kezeńdik konkýrstyq irikteýge kóshý eskerilgen. ıAǵnı barlyq memlekettik organdardyń memlekettik qyzmetshileri arasyndaǵy 2-shi ishki konkýrsty jáne jalpy konkýrsty biriktirý usynylady», - dedi Jaıylǵanova.

Onyń sózine qaraǵanda, bul konkýrstyq rásimder ýaqytyn 14 jumys kúnine (46-dan 32 kúnge deıin) qysqartýǵa jáne bos jumys oryndaryn toltyrýdyń jedeldigin arttyrýǵa múmkindik beredi.

Budan buryn habarlanǵandaı, Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Osy oraıda zań jobasymen «Dıplommen aýylǵa» jobasyn memlekettik qyzmetshilerge qoldaný eskerilgen.