Memlekettik qyzmetshilerge alǵys aıtýdyń zańdy joldary qandaı
Atalǵan jadynamany «Qostanaı - adaldyq alańy» jobalyq keńsesiniń qyzmetkerleri jasap shyǵardy.
«Jeltoqsan-naýryz aılary túrli merekelerge toly. Sol sebepti turǵyndar qyzmet kórsetken mekeme qyzmetkerlerine syılyq jasaǵysy kelýi múmkin. Degenmen, memlekettik qyzmetkerlerge jeke jáne zańdy tulǵalardan syılyq alýǵa, emdik-saýyqtyrý jáne demalys joldamalaryn qabyldaýǵa qatań tyıym salynǵanyn taǵy bir eske salamyn. Al, zańsyz alynǵan syıaqylar memlekettik bıýdjetke tapsyrylady. Sondyqtan, biz usynǵan jadynamada syılyqtarǵa tyıym salý týraly tikeleı eskertýden bólek, kórsetilgen qyzmet úshin mekeme mamandaryna rızashylyq bildirýdiń tásilderi jazylǵan», - deıdi «Qostanaı - adaldyq alańy» jobalyq keńsesiniń jetekshisi Evgenıı Bedych.
Sonymen, memlekettik qyzmetshilerge qalaı alǵys bildirýge bolady? Jadynamanyń erejesine saı, memlekettik qyzmetshilerge arnaıy termınalda jáne shaǵymdar men ótinishter kitabynda oń pikir jazý usynylady. Buǵan qosa, áleýmettik jelilerdi paıdalanyp, qyzmetshilerdiń jumysyn baǵalaýǵa ruqsat etiledi.
Eske salaıyq, «Qostanaı - adaldyq alańy» jobalyq keńsesi byltyr jeltoqsan aıynda ashylǵan. Basty maqsat - turmystyq sybaılas jemqorlyqtyń jolyn kesip, onyń deńgeıin tómendetý jáne azamattarǵa qolaıly jaǵdaı jasaý. Bul turǵyndarǵa qajetti qyzmet túrin kedergisiz alýǵa jol ashady. Azamattar sybaılas jemqorlyqqa qatysty derekterdi osy jerge habarlaýǵa bolady.