Memlekettik qyzmetshilerdiń jalaqysy bıyl óse me

ASTANA. QazAqparat - Memlekettik qyzmetshilerdiń jalaqysy bıyl óspeıdi. Bul týraly búgin halyqqa esep berý kezdesýinde Qarjy mınıstri Baqyt Sultanov málim etti, dep habarlaıdy «QazAqparat» HAA tilshisi.

«Ókinishke oraı, memlekettik qyzmetshilerdiń jalaqysy bıyl kóterilmeıdi. Ótken jyly ózderińiz bilesizder, azamattyq qyzmetkershilerdiń jańa júıesin engizgen kezde densaýlyq saqtaý jáne bilim salasynyń jalaqysynyń ósimi tirkeldi. Sondyqtan, ary qaraıǵy jaǵdaı bıýdjettiń múmkinshilikterine qaraı qarastyrylady. Jalpy, bul máselege óte muqııat qaraýymyz kerek», - dedi Qarjy mınıstri.

Eske sala ketsek, búgin QR Qarjy mınıstri Baqyt Sultanov halyqqa esep berý kezdesýin ótkizdi. Onda mınıstr 2016 jyly atqarylǵan jumystardy qorytyndylap, onlaın júıesinde óńir turǵyndarynyń suraqtaryna jaýap berdi jáne mınıstrliktiń keleshektegi jumys josparymen bólisti.